İranın mühafizəkarların əksəriyyət təşkil etdiyi parlamenti nüvə proqramı ilə bağlı beynəlxaq mübahisələrin həlli məqsədi ilə islahatçı hökumətə təzyiq göstərir. Qanunvericilər uran zənginləşdirilməsinin bərpası ilə bağlı qanunun qüvvəyə minməsini tələb edirlər. Qanunvericilərdən bəzisi BMT nümayəndələrinin nüvə obyektlərinin təftişi ilə bağlı razılığın ratifikasiya edilməyəcəyi ilə bağlı hədə-qorxular da gəlirlər. Xatırladaq ki, İran uran zənginləşdirilməsi proqramının dayandırılması və qısamüddətli xəbərdarlıqla təftişlərə razılıq vermişdi.