Afinada keçirilən Olimpiya idman yarışlarında bu gün yenə də 27 nəfər qızıl medala layiq görüldü. Qadınların marafon qaçışlrında hələ ki, Britaniyalı Paula Radsliff dünya recordunu saxlamağa çalışır. 100 metrlik qaçışda isə Birləşmiş Ştatlardan Moris Green irəlidədir. Eləcə də hündürlüyə tullanma, üçtəkanlı tullanma və kürəatma üzrə yarışlar davam edir. Qadın və kişilər arasında yeddi növ üzrə iki nəfərlik, dörd nəfərlik və səkkiz nəfərlik avarçəmə yarışları başa çatdı. Qızıl medala dörd nəfərlik avarçəkənlər sahib oldu. Olimpiada medalını eləcə də velotrek üzrə qadın əldə etdi. Qılıcoynatma yarışlarında isə kişi komandası irəlidədir. Bu gün İraq xalqı da Olimpiya zəfərini bayram edir. Dörddə bir final yarışında Avstraliya komandasına 1:0 hesabı ilə qələbə çalan İraq komandasının Olimpiya medalını əldə etməsinə iki matç qalır. Xatırladaq ki, İraq ilk dəfə Olimpiya medalına 1960-cı ildə ağırlıq qaldırma üzrə nail olmuşdu. Qeyd edək ki, 19-u qızıl olmaqla 46 medal əldə edən Birləşmiş Ştatlar digər ölkələri arxada qoyub. 18-i qıızl olmaqla 41 medal əldə edən Çin İkinci, 22 medaldan 12 qızıl olan yaponiya üçüncü yerdədir.