Amerikada keçirilən prezident seçkiləri dünyanın hər yerində olduğu kimi Azərbaycanda da diqqətlə izlənilir. Ölkənin demək olar ki, bütün KİV-də seçkilərin müxtəlif aspektləri barədə şərhlər dərc olunur. Radio və televiziyalar seçkilərlə bağlı mütəmadi məlumatlar verir. Xəzər araşdırmalar mərkəzinin prezidenti Vəfa Quluzadə, Müsavat partiyasının başqanı İsa Qəmbər və Azərbaycan Prezidentinin İcra Aparatının ictimai-siyasi şöbəsinin müdiri Əli Həsənova görə, seçkilər ABŞ-ın siyasət kursunda dəyişiklik yaratmayacaq.