BMT-nin Yaponiyanın Kobe şəhərində təşkil etdiyi təbii fəlakətlər konfransının iştirakçıları fəlakətlərin təsirinin minimuma endirilməsi planı ilə bağlı razılıq üzərində işləyirlər. 5 günlük bu konfrans keçən ay 220 000 adamın ölümü ilə nəticələnən sunami və zəlzələdən sonra keçirilir. Regional mübahisələr Kobe konfransının işininin yavaş getməsinə səbəb olub. Belə ki, Birləşmiş Ştatların ratifikasiyasını rədd etdiyi istixana qazlarınına azaldılmasını nəzərdə tutan Kioto protokolu bu mübahisələrdən biridir. Nümayəndələr sunamilər barədə əvvələcədən xəbərdarlıq sisteminin yaradılması barədə razılıq əldə ediblər.