Parisdə keçirilən konfransda çıxış edən İran rəsmisi bəyan edib ki, nüvə enerjisinin əldə edilməsi İran hökumətinin başlıca prioritetlərindən biri kimi qalır. İran nüvə agentliyinin vitse prezidenti Məhəmməd Səidi bu gün bildirib ki, İran xalqı və hökuməti sülhpərvər məqsədlə bütün çətinliklərə və məhdudiyyətlərə baxmayaraq nüvə texnologiyasını inkişaf etdirəcəklər. Onun bu bəyanatı İranın Britaniya, Fransa və Almaniya ilə dörd-tərəfli danışıqların öz işini bərpa etməsindən bir gün əvvələ təsadüf edir.