Almaniya kansleri Gerhard Şröyder partiyasının erkən seçkilər üçün kampaniyasını koalisiya partnyorunun iştirakı olmadan aparacağını elan edib. Bu gün həftəlik “Die Zeit” qəzetinə müsahibə verən kansler partiyasının kampaniyanı 1998-ci ildən hakimiyyəti paylaşdığı xarici işlər naziri Yoşka Fişerin Yaşıllar partiyasından ayrı keçirəcəyini deyib. Gerhard Şröyder seçkilərin vaxtından bir il əvvəl, sentyabrın 18-i keçirilməsini dünən təklif etmişdi. Gözlənilməz bu çağırış onun Sosial Demokrat partiyasının Şimali Rayn-Vestfaliya ştatındakı məğlubiyyətindən bir neçə saat sonra edilmişdi. Xatırladaq ki, Sosial Demokratlar müxalif Xristian Demokratlara 7 faiz səslə məğlub olmuşdu.