Azərbaycan parlamentinin İqtisadi siyasət və Beynəlxalq əlaqələr komitələrinin birgə iclasında ABŞ Konqresinin Nümayəndələr Palatasına müraciət qəbul edilib.
Sənəddə Konqresin Xarici əməliyyatlar komitəsinin “2010-cu maliyyə ilində Dağlıq Qarabağ separatçıları üçün 10 mln. dollar ayrılması haqda 17 iyun tarixli qərarı” pislənir.
Müraciətdə deyilir ki. separatçılığın dəstəklənməsi Azərbaycana - Amerikanın strateji partnyoruna münasibətdə qeyri-dostcasına atılan addımdır. “Belə əməllər ABŞ-ın Qarabağ münaqişəsinin nizamlanmasında vasitəçilərdən biri kimi obyektivliyini şübhə altına qoyur”.
Milli Məclisin komitələri ABŞ Konqresini məsələ ilə bağlı yekun qərarın qəbulu zamanı bunları nəzərə almağa çağırır.