“Dalğa” Gənclər Hərəkatının rəhbəri Vəfa Cəfərova bildirib ki, yaxın günlərdə İranda azərbaycanlı milli fəal Qulamrza Əmaninin qətlinə etiraz olaraq İranın Bakıdakı səfirliyi qarşısında etiraz aksiyası keçiriləcək. Onun sözlərinə görə, aksiya Q. Əmaninin ölümünün qırxıncı gününədək baş tutacaq və gənclər İran səfirliyi qarşısında edam səhnəciyi nümayiş etdirəcək.
Xanım Cəfərova İranda yaşayan azərbaycanlı gənclərlə əlaqələrin zəif olduğunu deyib. “Dalğa” Gənclər Hərəkatı İranda yaşayan azərbaycanlıların milli hüquqları uğrunda mübarizəsinə həmrəy olduğunu bildirir.
