Dağlıq Qarabağ münaqişəsinin sülh yolu ilə
həllini tapmağı qarşısına məqsəd qoyan dialoqun başlamasının ardından Avropa
Şurası Parlament Assambleyasının Prezidenti Luis Maria de Puç Ermənistan və Azərbaycan
Prezidentlərini bu yolu davam etdirməyə çağırıb.
“Mən Prezident Əliyev və Prezident
Sarkisyanı, həmçinin bu görüşlərin keçirilməsinə köməklik göstərən Prezident
Medvedyevi Dağlıq Qarabağ münaqişəsinin sülh yolu ilə həllinin tapılması
istiqamətində nümayiş etdirdikləri öhdəlik münasibətilə təbrik etmək istərdim.
İntensivləşdirilmiş diplomatik səylərlə və etimadın möhkəmləndirilməsi ilə
bağlı silsilə tədbirlərin təşviqi ilə davam etdiriləcək bu dialoqun başlanması
bütün region üçün bir ümid pəncərəsidir,”- deyə Prezident bəyan edib.
“Ötən iyul ayında Bakı və Yerevana
etdiyim səfərlərim zamanı qeyd etdiyim kimi münaqişəni beynəlxalq standartlara,
prinsiplərə və hər iki dövlətin Avropa Şurasına üzv olarkən götürmüş
olduqları öhdəliklərə uyğun şəkildə siyasi yolla həll etmək üçün
Assambleyamız keçən 15 il ərzində inadla çalışıb. Belə bir həll indi həmişə
olduğundan daha yaxındır,” - deyə o, əlavə edib.