Müxalifətdə olan "Müsavat" partiyasının gənclər təşkilatı xarici radiolar - "Amerikanın səsi", "Azadlıq" və BBC-nin yerli tezliklərdə yayımının dayandırılmasına etiraz olaraq Milli Televiziya və Radio Şurasının ofisi qarşısında piket keçirməyə cəhd edib. Polis cəhdin qarşısını alıb, 9 nəfər saxlanıb.
Müsavat partiyasının Gənclər Təşkilatının sədr müavini Rüfət Hacıbəyli bildirib ki, saxlananlar təşkilatın sədri və fəallarıdır.
Gənclər bir neçə saat polis şöbəsində saxlandıqdan sonra xəbərdarlıq edilərək buraxılıb.