Bu gün ABŞ prezidenti ailəsi ilə bərabər Ağ Evdə Pasxa bayramı münasibəti ilə ənənəvi yumurta axtarışı mərasimində iştirak edib.Gün ərzində Ağ Ev mərasimində 30 min insanın iştirak edəcəyi gözlənilir. Ağ Ev iki saatlıq beş mərasimə ev sahibliyi edir. Hər mərasimə 6 minə yaxın insan qatılır. Pasxa yumurtası axtarışı ənənəsinin təməli 1878-ci ildə qoyulub. Birinci xanım Mişel Obama bayram ərəfəsində ölkə boyu səyahətə çıxaraq, uşaqlar arasında köklük problemi və sağlam qidalanma məsələsinə diqqətləri cəlb etməyə çalışıb.