ABŞ dövlət katibinin silahlara nəzarət haqqında sazişlərin icrası və yoxlanması məsələləri üzrə köməkçisi Rouz Gottemoller regiona səfəri çərçivəsində bu gün Azərbaycana gəlib.
Xanım Gottemoller Azərbaycanda yüksək vəzifəli rəsmi şəxslərlə məsləhətləşmələr aparacaq.
Dövlət katibinin köməkçisi oktyabrın 12-14-də Qazaxıstanda olub. O Azərbaycandan Gürcüstana, oradan isə Ermənistana gedəcək. Dövlət katibinin silahlara nəzarət haqqında sazişlərin icrası və yoxlanması məsələləri üzrə köməkçisinin regiona səfəri oktyabrın 16-da başa çatacaq.