Birləşmiş Ştatların bir çox yerlərində pis hava şəraiti insan ölümləri və dağıntılara yol açıb.
Texasda keçən şənbə günü axşam tərəfi başlayan qasırğa yeddi adamın ölümünə və onlarla evin uçmasına səbəb olub.
Hava haqqında məlumatlar yayımlayan Weather Channel-in məlumatına əsasən pis hava şəraiti ABŞ qərbində baş verən güclü qış fırtınalarının nəticəsidir.
Texas ştatının bəzi şəhərlərində və qonşu Oklahama ştatında 45 sm-ə qədər güclü qar gözlənilir.
ABŞ-ın cənub ştatlarında qeyri-adi hava şəraiti indiyə qədər azı 10 nəfərin ölümünə səbəb olub.
