Accessibility links

ABŞ Vitse-Prezidenti: Səfirliyimiz 2019-cu ildə Qüdsə köçürüləcək


ABŞ Vitse-Prezidenti Mayk Pens İsrail parlamentində nitq söyləyir. 22 yanvar, 2018.
ABŞ Vitse-Prezidenti Mayk Pens İsrail parlamentində nitq söyləyir. 22 yanvar, 2018.

ABŞ Vitse-Prezidenti Mayk Pens bazar ertəsi ölkəsinin İsraildəki səfirliyi 2019-cu ilin sonunadək Qüdsə köçürəcəyini bəyan edib.

“Qarşıdan gələn həftələrdə administrasiyamız ABŞ səfirliyinin Qüdsdə açılma planını irəlilədəcək və Birləşmiş Ştatlar səfirliyi gələn ilin sonunadək açılacaq,” deyə İsrail parlamenti Knesset qarşısında nitq söyləyən Pens bildirib.

Prezident Tramp Dövlət Departamentinə səfirliyimizin Tel əvivdən Qüdsə köçüçürlməsi barədə təlimat verib.
Mayk Pens, ABŞ Vitse Prezidenti

“Qüds İsrailin paytaxtıdır və belə olaraq Prezident Tramp Dövlət Departamentinə səfirliyimizin Tel Əvivdən Qüdsə köçürülməsi barədə təlimat verib,” o, əlavə edib.

Prezident Tramp on illərlə sürən ABŞ siyasətini arxada qoyaraq Qüdsün İsrail paytaxtı olduğunu elan etmiş və ABŞ səfirliyinin Tel Əvivdən çıxarılması prosesinə təkan verib.

ABŞ Dövlət Katibi Reks Tillerson əvvəllər bəyan emişdi ki, köçürülmə illərlə vaxt apara bilər. Lakin bazar ertəsi Dövlət Departamentinin sözçüsü Heather Nauert administrasiyanın “gələn ilin sonunadək səfirliyi açmaq planını” həyata keçirəcəyini təsdiqləyib.

İsrail parlamentinin ərəb üzvləri Mayk Pensin nitqinə etiraz edir. 22 yanvar, 2018.
İsrail parlamentinin ərəb üzvləri Mayk Pensin nitqinə etiraz edir. 22 yanvar, 2018.

İsrail baş naziri Benyamin Netanyahu Trampa və Pensə “tarixi bəyannaməyə” görə minnətdarlığını bildirmiş və ABŞ-İsrail münasibətlərinin heç vaxt indiki kimi möhkəm olmadığını söyləmişdir.

Trampın Qüdsü İsrail paytaxtı kimi tanıyacağını elan etməsi Fələstinli liderlər tərəfindən qəzəblə qarşılanıb. Fələstinlilərin lideri Mahmud Abbas indən belə ABŞ-ın sülh prosesində rol oynaya bilməyəcəyini deyib.

ABŞ-ın Tel-Əvivdəki hazırkı səfirliyi
ABŞ-ın Tel-Əvivdəki hazırkı səfirliyi

İsrailə getməzdən öncə İordaniyada olan Mayk Pens Kral Abdulla ilə görüşüb. İordaniya kralı Qüdslə bağlı qərardan narahatlığını ifadə etmiş və ABŞ-ı iki-dövlət formulu ilə həll yolu tapmaq istiqamətində tərəflər arasında etimadı gücləndirməyə çağırmışdır.

İordaniyadan öncə Qahirədə olan Vitse-Prezident ABŞ-ın Misir hökumətinə terrorizmə qarşı mübarizədə dəstəyini söz verib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG