London Olimpiadasında ABŞ və Fransanın basketbol komadanları arasında matç Amerika komandasının xeyrinə 98-71 hesabla başa çatıb.
ABŞ Olimpiya komandasında Milli Basketbol Assosiasiyasının Los Anceles Leykers (Los Angeles Lakers) və Mayami Hit (Miami Heat) komandalarında oynayan basketbol ulduzları Kobe Brayant və LeBron Ceyms kimi adlar var.
Fransa Olimpiya komandasında Toni Parker, Boris Diau və Nikolas Batum da ABŞ-ın Milli Basketbol Assosiasiyasının komandalarında oynayır.
Digər idman növlərinə gəldikdə, amerikalı üzgüçü Dana Volmer 100 met məsafəyə yarışlarda dünya rekortdu vuraraq qızıl medal qazanıb. Volmer 100 metrlik məsafəni 55,98 saniyəyə başa vurub.
Bu gün habelə Şimali Koreya idmançısı An Kum Ae ölkəyə ilk qızıl medal gətirib. O, 52 kiloqram çəki kateqoriyasında dzüdo üzrə yarışlarda kubalı rəqibi Yanet Bermoy Akosta üzərində qələbə çalıb.
Bazar günü Olimpiadada qadınlar arasında gimnastika üzrə yarışlar başlayır.
London Olimpiya oyunları avqustun 12-ə qədər davam edəcək.
