Yeni sorğuya əsasən, Əfqanıstanda korrupsiyanın səviyyəsi 2007-ci illə müqayisədə iki dəfə artıb və əfqanlar keçən il təxminən bir milyard dollar məbləğində rüşvət veriblər.
Kabildə yerləşən Inteqrity Watch Afghanistan təşkilatının bildirdiyinə görə, hər yeddi əfqandan biri bir qayda olaraq rüşvət verir.
Sorğuda Əfqanıstanın 32 vilayətində 6500 nəfər iştirak edib. Respondentlər daxili işlər, ədliyyə və kəşfiyyat nazirliklərində korrupsiya səviyyəsinin ən yüksək olduğunu bildiriblər.
Təşkilatın direktoru Lorenzo Delesqes deyib ki, sorğu korrupsiya səviyyəsini yüksəlməsi ilə hökumət rəsmilərindən narazı qalan əfqanların sayı artdıqca Talibanın güclənməsi arasında əlaqə olduğunu göstərir.