Əfqanıstanın şərqində intiharçı xəstəxanada bomba partladıb. Paytaxt Kabildən 40 kilometr məsafədə yerləşən Loqar vilayətində baş vermiş partlayışın böyük dağıntılara səbəb olduğu deyilir. Əfqanıstan rəsmiləri hadisə zamanı ölənlərin sayı ilə bağlı bir-birinə zidd məlumat verir. Hadisədən bir neçə saat sonra rərmilər partlayış zamanı qadınlar və uşaqlar da daxil olmaqla 30 nəfərin öldüyünü bildirib. Əfqanıstanın Səhiyyə nazirliyinin ilkin məlumatına görə, 60 ölən, 120yaralanan var. Taliban hücumun qrup tərəfindən həyata keçirilmədiyini və xəstəxanaların hədəf alınmadığını bildirib. ABŞ-ın Kabildəki səfirliyi, NATO və Əfqanıstan prezidenti Həmid Karzai hücumu qınayıb.
Əfqanıstanın şərqində intiharçı xəstəxanaya hücum edib (YENİLƏNİB)
- Amerikanın səsi
