İnsanlar artıq Britaniyanın Şahzadəsi Diananın ölümünün 20-ci ildönümünü qeyd etməyə başlayıb.
Onlar Kensinqton sarayının qapılarına çiçəklər, şəkillər və məktublar qoyur.
Cümə axşamı Diananın Parisdə maşın qəzasında dünyasını dəyişməsindən 20 il ötür. Onun ölümü böyük ictimai kədərə səbəb olmuşdu.
Şahzadə Uilyam və qardaşı Harri çərşənbə günü analarının xatirəsini Kenqinton sarayının həyətindəki xatirə bağçasında anıb.
İki şahzadə və Kembric Hersoginyası Ketrin bsğçada gəzintidən sonra xalqla görüşüb. Lakin onların cümə axşamı heç bir məclisdə iştirak etməyəcəkləri gözlənilir.
