Gənclər ağızlarını bağlayaraq aksiya keçirib

Fevralın 19-da Milli Fikir Mərkəzinin bir qrup gənci Bakının mərkəzində Nəsiminin heykəlinin qarşısında aksiya keçirib.

Turanın müxbirinin Amerikanın Səsinə verdiyi məlumata görə fəallar sıraya düzülüb sağ əllərini sinələrinə qoyaraq ağızlarını bağlayıblar.

Gənclərin aksiya keçirməsinə səbəb polisin “Vətən” kinoteatrında “Kabus” ləqəbli gənc reperin fevralın 16-da keçirilməsi planlaşdırılan solo konsertinə icazə verməməsidir.

Aksiya iştirakçılarının bir neçəsi polis tərəfindən saxlanaraq avtomobillərə əyləşdirilib.