Fransa rəsmiləri Fransaın Alp dağlarında baş verən qar uçqunu nəticəsində həlak olan iki lyonlu məktəbli və ukraynalı xizəkçinin ölümünü araşdırır.
“Bu eniş ictimaiyyətə açıq deyildi. Eniş mövsüm başlayandan bəri ictimaiyyətə bağlı olub, çünki biz orada lazım olan təhlükəsizlik tədbirlərinin görülmədiyini müəyyən etdik. Buna səbəb isə odur ki, bu enişdə kifayət qədər qar yox idi, amma bir qrup məktəbli müəllimləri ilə birlikdə yenə də bu enişə çıxmağa qərar verdi. Gördüyümüz kimi də qar uçqunu onların üzərinə gəldi,” deyə Les Deux Alpes Loisirs kurort mərkəzinin rəhbəri bildirib.
Digər üç nəfər isə çərşənbə günü İtaliya sərhədindən 50 kilometr uzaqlıqda yerləşən xizək kurort zonasında ağır xəsarət alıb.
Qalan tələbələr çərşənbə günü evlərinə geri dönüb. Fransa polisi deyir ki, gəzintiyə gedən bütün tələbələr tapılsa da, başqa qurbanların olub-olmadığından əmin olmaq üçün axtarışlar davam etdirilir.