Accessibility links

İtkin düşən alpinistlərin cəsədləri tapılıb


2017-ci ilin dekabrında Quba rayonunda dağlıq ərazidə itkin düşmüş "Gilavar" - hava və ekstrim idman klubunun üzvlərinin mayın 16-da cəsədləri tapılıb.

Azərbaycan Fövqəladə Hallar Nazirliyinin məlumatına görə, bu gün axşam saatlarında axtarışların aparıldığı ərazidə alpinistlərə aid çadırın yeri müəyyən edilib.

Ərazidən 2 kişi, 1 qadın meyitinin və alpinistlərə aid əşyaların aşkar edildiyi bildirilir.

"Gilavar" hava-ekstrim idman klubunun üzvləri Fəridə Cəbrayılzadə, Babur Hüseynov və Namin Bünyatzadə 2017-ci il dekabrın 23-də Quba rayonunun Xınalıq kəndi istiqamətindən Tufan dağa (4191 m) yürüşə çıxıblar. Dekabrın 24-də ailələri ilə danışan alpinistlərlə az sonra əlaqə itib.

2 gün sonra alpinistlərin axtarışına başlanılıb.

Mütəxəssislərin qiymətləndirmələrinə görə, alpinistlər qar uçqununa düşüblər.

Hadisə ilə bağlı Cinayət Məcəlləsinin 314.2-ci (səhlənkarlıq - ehtiyatsızlıqdan ağır nəticələrə səbəb olduqda) maddəsi ilə iş başlanılıb

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG