Əmək Gününüz mübarək! Bu barədə ABŞ-ın Azərbaycandakı səfirliyinin təbrikində deyilir.
Amerikada “Əmək Günü” əmək hərəkatının şərəfinə qeyd edilən bayram günüdür və hər il sentyabrın ilk bazar ertəsi günü qeyd olunur.
İlk dəfə “Əmək Günü” Paradı təxminən 10.000 işçinin iştirakı ilə 1882-ci ildə Nyu-Yorkda yerləşən Yunion Meydanında keçirilib.
Əmək günü, əslində Amerika işçilərini yad etmək üçün nəzərdə tutulmasına baxmayaraq, çoxları həmçinin bu günü yayın sonu kimi qeyd edirlər. Bu günlərdə, ümumi Amerika Əmək günü festivalı atletik yarışmalar, paradlar və şənliklər, eləcə də barbekyu və atəşfəşanlıqdan ibarətdir.
