Accessibility links

Apellyasiya məhkəməsi Səccad Şəhirinin həbs cəzasını qüvvədə saxlayıb


Səccad Şəhiri
Səccad Şəhiri

Güneyli milli fəal Səccad Şəhirinin 6 aylıq həbs cəzası Apellyasiya məhkəməsi tərəfindən qüvvədə saxlanılıb.

İnsan hüquqları üzrə fəaliyyət göstərən HRA xəbər agentliyinin yaydığı məlumata görə, Sulduzun ikinci Cinayət Məhkəməsinin 103-cü şöbəsinin milli fəal Səccad Şəhiriyə çıxardığı 6 aylıq həbs cəzası vilayət Apellyasiya məhkəməsinin 1-ci şöbəsi tərəfindən qüvvədə saxlanılıb.

Milli fəal Sulduzun cinayət məhkəməsinin 103-cü şöbəsinin sədri olan hakim Əmir Kiyumərsi tərəfindən ona qarşı irəli sürülən "İran İslam Respublikasına qarşı təbliğat aparmaq" ittihamı əsasında 6 ay həbs cəzasına məhkum edilmişdi.

Son günlərdə Şəhirinin vəkili Əsgər Məhəmmədiyə göndərilən məhkəmə bildirişinə görə, bu hökm Qərbi Azərbaycan Apellyasiya məhkəməsinin 1-ci şöbəsi tərəfindən qüvvədə saxlanılıb.

Milli fəal ona qarşı irəli sürülən "GAMAC adlı qanunsuz təşkilata üzv olmaq" ittihamı ilə əlaqədar bəraət hökmü almışdı.

Səccad Şəhiri keçən ilin yanvar ayının 16-da İran hökumətinin kəşfiyyat agentləri tərəfindən həbs edilib.

Milli fəal həmin ilin mart ayının 2-də Kəşfiyyat Nazirliyinin təcridxanasından Təbriz şəhərinin mərkəzi həbsxanasına köçürülərək, martın 18-də 500 milyon tümənlik girov qarşılığında müvəqqəti olaraq sərbəst buraxılmışdı.

Səccad Şəhiri daha əvvəl dəfələrlə təhlükəsizlik qüvvələri tərəfindən həbs edilib. O, 2018-ci ilin iyul ayının 20-də Babək Qalası tədbirləri zamanı onlarla milli fəal ilə birlikdə həbs edilmiş və daha sonra sərbəst buraxılmışdı.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG