Senat Robert F. Sekutanı ABŞ-ın Azərbaycandakı yeni səfiri kimi təsdiqləyib

ABŞ-ın Azərbaycandakı səfirliyi bu gün ABŞ-ın Azərbaycanda yeni səfirinin Senatda təsdiqlənmsə ilə bağlı məlumat yayıb.

“Məmnunluqla bildiririk ki, dekabrın 16-da ABŞ Senatı Robert F. Sekutanın ABŞ-ın Azərbaycandakı növbəti səfiri vəzifəsinə namizədliyini təsdiq edib. Biz cənab Sekutanın Azərbaycana gəlişini və onu Azərbaycan hökuməti və xalqı ilə birgə Azərbaycanda alqışlamağımızı səbirsizliklə gözləyirik. Səfir təyinatı almış Sekutanın Azərbaycana gəlmə tarixi müəyyən deyil, tarix bəlli olanda məlumatı paylaşacayıq”, səfirlik bildirir.