Güney azərbaycanlı milli-mədəni fəal Atila Seyfi (Musa) 6 ay həbs cəzasına məhkum edilib.
Amerikanın Səsinin əldə etdiyi məlumata görə, Qoşaçay (Miyanoab) məhkəməsinin 102-ci şöbəsi azərbaycanlı fəalı dövlət əleyhinə təbliğatda ittiham edilsə də, dövələtə qarşı qruplara üzvlük ittihamından bəraət qazanıb.
Məhkəmə hökmündə onun evində qanunsuz kitablar, etnik qruplara çağırış bəyanatlarının aşkar edilməsi və müttəhimin etirafları onun həbsinin səbəbi kimi göstərilib.
Xatırladaq ki, Atila Seyfi milli zəmində mədəni fəaliyyətlərinə görə dəfələrlə saxlanıb və müxtəlif təzyiqlərə məruz qalıb.