Səhiyyə rəsmilərinin cümə günü bildirdiyinə görə, Avstraliyanın ikinci böyük ştatı olan Viktoriyada son 28 gündə koronavirusa nə yeni yoluxma, nə də ölüm halı qeydə alınıb.
COVID-19-un son xəstəsi bazar ertəsi xəstəxanadan çıxarıldıqdan sonra ştatda heç bir aktiv hal qalmayıb.
Viktoriyanın səhiyyə ekspertlərinin virusun tam kənarlaşdırıldığına dair göstərici olaraq qəbul etdiyi yeni yoluxmanın olmadığı 28 günə çatdığı bir vaxt, ölkənin digər regionlarında koronavirusa yoluxma halları qeydə alınır.
Bu arada cümə günü Britaniya dərman tənzimləyicisindən Oxford Universiteti və AstraZeneca-nın COVID-19 peyvəndini geniş istifadə etmədən əvvəl onu qiymətləndirməsini istəyib. Əczaçılıq şirkəti ilin sonuna qədər 4 milyon doza peyvəndi təchiz etməyə hazır olduğunu bildirib.
Latın Amerikasında isə Braziliya prezidenti Cair Bolsonaro cümə axşamı şübhə ilə yanaşdığı peyvəndlə bağlı açıqlamasında koronavirus peyvəndindən imtina edəcəyini deyib.
"Sizə deyirəm, bunu qəbul etməyəcəyəm. Bu mənim haqqımdır" - deyə, Bolsonaro bir neçə sosial media platformasında yayımlanan açıqlamasında bildirib.
Cons Hopkins Koronavirus Tədqiqat Mərkəzinin məlumatında COVID-19-a 6 milyondan çox yoluxma halının qeydə alındığı Braziliya yalnız ABŞ və Hindistandan, 170,000-dən çox ölüm halı ilə isə yalnız ABŞ-dan geridə qalır.
Amerika Birləşmiş Ştatları cümə axşamı koronavirusa 181,000-dən çox yoluxma, təxminən 2300 ölüm halının qeydə alındığını bildirib. Cümə axşamı təxminən 90,500 nəfər xəstəxanalara yerləşdirilib.
