Accessibility links

Bill Keating: Azərbaycan rəhbərliyinin son hədəfi AzadlıqRadiosunun Bakı bürosudur


Bill Keating (Foto konqresmenin Twitter səhifəsindən götürülüb)
Bill Keating (Foto konqresmenin Twitter səhifəsindən götürülüb)

AzadlıqRadiosunun məlumatına görə Respublikaçı konqresmen, Avropa, Avrasiya və Yeni Təhlükələr Altkomitəsinin aparıcı üzvü Bill Keating AzadlıqRadiosunun Bakı bürosuna basqın barədə bəyanat yayıb. Yanvarın 6-da yayılan bəyanatda deyilir:

"Azərbaycan hökumətinin Amerika və digər beynəlxalq QHT-lər və media qurumlarını qəsdən hədəfə almasından çox narahatam. Əksəriyyəti yerli vətəndaşlara vacib kömək göstərən bu təşkilatlar ofislərini bağlamağa məcbur olub. Onların sırasına İREX, Milli Demokratiya İnstitutu, Beynəlxalq Respublikaçılar İnstitutu, ABŞ Sülh Korpusu daxildir.

Azərbaycan rəhbərliyinin son hədəfi AzadlıqRadiosu – Azad Aropa/Azadlıq Radiosunun Bakı bürosudur. Hökumətin AzadlıqRadiosunda apardığı reyd, eləcə də jurnalist Xədicə İsmayılova, hüquq müdafiəçiləri Leyla Yunus və Arif Yunus və digərlərinin həbsi – Azərbaycan rəhbərliyinin niyyətləri və onların ABŞ və Qərblə tərəfdaşlıq istəyinə dair ciddi narahatlıq yaradır.

Azərbaycan qlobal miqyasda müsbət rol oynaya bilər. Ancaq hökumətin öz vətəndaşları, eləcə də Amerika təşkilatları, işçiləri və mətbuatla davranışı açıq-aşkar sabitliklə uyuşmur və buna qeyri-ciddi baxmaq olmaz. Administrasiyanı Azərbaycan rəhbərliyi ilə təmaslarda bu məqamları önə çəkməyə çağırıram".

Dekabrın 26-da Respublika Prokurorluğunun əməkdaşları AzadlıqRadiosunun Bakıdakı ofisində axtarış aparıb, seyfi sındıraraq sənədləri götürüb, ofisi isə möhürləyib.

XS
SM
MD
LG