Noyabrın 22-də Azərbaycanın müdafiə naziri Zakir Həsənov Böyük Britaniyanın Azərbaycandakı səfiri Kerol Meri Kroftsu ilə görüşdə regiondakı hərbi-siyasi vəziyyəti müzakirə edib.
Müdafiə Nazirliyinin mətbuat xidmətinin məlumatında deyilir ki, tərəflər iki ölkə arasında hərbi-texniki əməkdaşlıq üçün böyük potensial olduğunu və bu imkanların genişləndirilməsinin əhəmiyyətini qeyd edib. Görüşdə həmçinin hərbi təhsil sahəsində əldə edilmiş razılaşmaların həyata keçirilməsi, hərbi ingilis dili kurslarının davam etdirilməsi və bu kursların dinləyicilərinin sayının artırılması zərurəti vurğulanıb.
Tərəflər həmçinin müdafiə, terrorizmə qarşı mübarizə və sülhməramlı əməliyyatlar sahəsində əməkdaşlıq haqqında fikir mübadiləsi aparıb.
