Accessibility links

Bağdadda son iki gündə iki intiharçı hücumu baş verib


Bağdadın şimalında intiharçının avtomobili polis yoxlama məntəqəsi yaxınlığında partlatması nəticəsində azı 8 adam həlak olub, 11 nəfər yaralanıb. İraq rəsmilərinin bildirdiyinə görə, eyni ərazidə iki gün bir-birinin ardınca oxşar hücumlar baş verib.

İntiharçı partlayıcılarla dolu maşını əsas etibarilə şiələrin yaşadığı Əl-Rəşidiyyə rayonunda yerləşən polis məntəqəsinin üzərinə sürüb. İŞİD hadisədən dərhal sonra hücuma görə məsuliyyəti öz üzərinə götürüb.

Bir gün əvvəl intiharçının eyni ssenari ilə avtomobili insanlarla dolu meyvə-tərəvəz mağazasının yanında partlatması nəticəsində 12 insan həyatını itirib. Polis hücumdan sonra Bağdadın bəzi əsas yollarını bağlamaq məcburiyyətində qalıb.

Ötən həftə baş vermiş iki hücum zamanı 300-dən artıq insan həlak olub

Ötən həftə baş vermiş iki hücum zamanı 300-dən artıq insan həlak olub. Birinci hücumda intiharçı yük maşınını Bağdadda Karada adlı şiə məhəlləsində yerləşən ticarət mərkəzində partlatmışdı. Nəticədə 292 insan həyatını itirib. Bu, 2003-cü il ABŞ-ın İraqa müdaxiləsindən sonra baş vermiş ən ölümcül hücum sayılır. Keçən həftə baş vermiş digər hücum isə 37 adamın həyatına son qoyub.

Dünyaya Baxış

Dünyaya Baxış. Nazarbayev etirazlardan sonra ilk dəfə video müraciət yayımlayıb
please wait

No media source currently available

0:00 0:10:04 0:00
XS
SM
MD
LG