Accessibility links

Əl-Bağdadi: Torpaqların şərəflə qorunması məğlubiyyət rüsvayçılığından min dəfə asandır


İraqın Mosul şəhərindəki İslam Dövlətinin 5 minə qədər yaraqlısı son nəfəsədək döyüşməyə səslənib.

Terrorçu qrupun lideri Əbu Bəkr Əl-Bağdadi deyib ki, torpaqların şərəflə qorunması məğlubiyyət rüsvayçılığından min dəfə asandır.

Əl-Bağdadinin səs yazısı bu həftə sosial media tərəfindən yayılıb.

“Geri çəkilməyin. Bu müharibə və cihad bizim qətiyyətimiz və Allahım köməyi ilə qələbənin başlanğıcıdır”-deyə o, cihadçılara çağırış edib.

Bu, Bağdadinin ötən dekabr ayından bəri ilk müraciətidir.

ABŞ-ın kəşfiyyat mənbələri səs yazısının həqiqiliyinin yoxlanmasına ehtiyac olmadığını və bunun son zamanlar yazıldığını bildirib.

30 dəqiqədən artıq sürən çağırışda İŞİD lideriləri-Məhəmməd Əbu Əl-Adnani, qrupun sözçüsü, sabiq informasiya naziri Vail Adil Həsən Salman Əl-Fayadın adları çəkilib. Onların hər ikisi ABŞ-ın hava zərbələri nəticəsində öldürülüb.

Səs yazısında ABŞ-ın dəstəklədiyi Mosulun geri alınması əməliyyatlarına da toxunulub.

Təhlilçilər bu baxımdan səsin son 10 gün içərisində yazıldığını deyir.

Amerika İcmalı

Amerika İcmalı - 22 Oktyabr, 2021
please wait

No media source currently available

0:00 0:29:58 0:00
XS
SM
MD
LG