Noyabrın 4-də səhər saatlarında Xaçmaz rayonu (Bakıdan 157 kilometr şimal) ərazisindən 3 nəfər balıqçı dənizə çıxıb. Hazırda onlarla əlaqə kəsilib. Bu barədə Fövqəladə Hallar Nazirliyinin məlumatında deyilir.
Nazirlik bildirir ki, axtarış ərazisi Fövqəladə Hallar Nazirliyinin Dövlət Sularda Xilasetmə Xidmətinin ərazi hüdudlarından kənardadır (dənizdə çıxış məsafəsi 2 milə qədərdir).
Hazırda havanın küləkli olduğunu nəzərə alaraq sabah səhər saatlarından etibarən hava şəraiti əlverişli olduğu təqdirdə nazirliyin Aviasiya Dəstəsi tərəfindən axtarış-xilasetmə işlərinə start veriləcək.
