Barak Obama BP-nin Meksika körfəzində neft axınının dayandırılması üçün istifadə etdiyi tıxaclama əməliyyatını sevindirici xəbər adlandırıb

ABŞ prezidenti Barak Obama BP-nin Meksika körfəzində neft axınının dayandırılması üçün istifadə etdiyi tıxaclama əməliyyatının sevindirici xəbər, lakin bunun sızmanı tamamilə dayadıracağını söyləməyə hələ tez olduğunu deyib. Bu gün Ağ Evdə alimlər və xarici ekspertlərlə görüşü zamanı prezident hazırda bu testin daimi müşahidə altında olduğunu bildirib. BP-nin sözçüsü tixac üzərindəki təzyiq göstəricilərinin yüksəldiyini deyib. Bu cihaz digər yerlərdən neft sızdığına dair məlumatla da təmin etmək qabiliyyətinə malikdir.