Accessibility links

Bayden və Ərdoğan Suriyada siyasi keçid yollarını müzakirə ediblər


ABŞ-ın vitse-prezidenti Co Bayden və Türkiyə prezidenti Rəcəb Tayyib Ərdoğan birgə mətbuat konfransında
ABŞ-ın vitse-prezidenti Co Bayden və Türkiyə prezidenti Rəcəb Tayyib Ərdoğan birgə mətbuat konfransında

ABŞ-ın vitse-prezidenti Co Bayden Türkiyə prezidenti Rəcəb Tayyib Ərdoğanla dörd saat sürən görüş zamanı Suriyada hakimiyyətin Bəşar Əsəd rejimindən keçidi məsələsini müzakirə etdiyini deyib.

Türkiyə bundan öncə ABŞ-ın təkcə İslam Dövləti qrupunun ekstremistlərinə qarşı mübarizə ilə kifayətlənməyib, Suriyada Əsəd rejiminin hakimiyyətdən devrilməsi məsələsinin də daxil edildiyi daha geniş strategiya hazırlamasına təkid edirdi. Vitse-prezident Baydenlə görüşdən sonra açıqlama verən cənab Ərdoğan Türkiyənin Birləşmiş Ştatlarla yaxından işləyəcəyini deyib və Baydenin səfərini olduqca mühüm bir səfər adlandırıb.

“Suriyaya gəldikdə, biz təkcə İŞİD-ə sığınacaq verilməsini rədd edib, onları gəri çəkib və məğlub etmək məsələsini deyil, eyni zamanda, Suriya müxalifətinin gücləndirilməsi və hakimyyətin Əsəd rejimindən keçidinin təmin edilməsini də müzakirə etmişik”-deyə vitse-prezident Bayden prezident Ərdoğanla birgə mətbuat konfransında bildirib.

Vitse-prezident Bayden deyib ki, Birləşmiş Ştatlar Suriyadan 1,6 milyon qaçqın axını nəticəsində yaranmış humanitar böhranın aradan qaldırılmasında Türkiyəyə köməyi davam etdirəcək.

Bu arada, Ağ Ev ABŞ-ın Türkiyə və zorakılıqlar nəticəsində Suriyadan qaçmış insanlara kömək edən başqa ölkələrə əlavə 135 milyon dollar humanitar yardım ayırdığını elan edib.

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG