Liviyanın Benqazi şəhərində həyata keçirilən kamikadze hücumunun məsuliyyətini İslam Dövləti üzərinə götürüb. Hücum zamanı 7 əsgər həlak olub.
Ordunun yoxlanış məntəqəsində baş verən hadisə BMT-nin 6 maddədən ibarət sülh danışıqları planı təklif etdiyi vaxta təsadüf edir.
Təklifə birlik hökumətinin təşkili və yeni konstitusiyanın hazırlanması daxildir. Sənəddə yeni seçkilərin keçirilməsi də təklif edilir.
Liviyada siyasi xaos və zorakılıqlar 2011-ci ildə Müəmmar Qəzzafinin hakimiyyətdən salınaraq öldürülməsindən sonra səngimək bilmir.
