BMT-nin Beynəlxalq Məhkəməsi 2008-ci ildə Kosovonun Serbiyadan ayrılaraq, müstəqillik elan etməsi qərarının beynəlxalq qanunlara zidd olmadığını bildirib. Haaqa məhkəməsinin bugükü qərarı daha artıq ölkənin Priştina hökumətini tanımasına imkan yaradacaq. Kosovonun məhkəmədən sonra müxbirlərlə görüşən xarici işlər naziri Skender Hüseyni bunun Avropa üçün sevindirici bir xəbər olduğunu deyib.
Kosovonun müstəqilliyini Birləşmiş Ştatlar və Avropa Birliyinin 20 ölkəsi daxil edilməklə, dünyanın 69 dövləti tanıyıb. Serbiya və onun müttəfiqi BMT-nin Təhlükəsizlik Şurasına üzv olan Rusiya isə Kosovonun müstəqilliyini tanımır.