Accessibility links

Bayden ABŞ-ın Avropadakı hərbi mövcudluğunu gücləndirəcəyini deyir


Polşada ABŞ-ın daimi hərbi qərargahı yaradılacaq, Böyük Britaniyaya iki qırıcı eskadrilya göndəriləcək.

ABŞ prezidenti Co Bayden çərşənbə günü deyib ki, ABŞ Rusiyanın Ukraynaya müdaxiləsindən sonra regional təhlükəsizliyi gücləndirmək üçün Avropada uzunmüddətli qüvvə konfiqurasiyasını gücləndirəcək.

"NATO güclü və vahiddir və bu sammitdə atdığımız addımlar kollektiv gücümüzü daha da gücləndirəcək" - Madriddə alyans liderlərinin illik sammitinin açılışında NATO-nun baş katibi ilə görüşən Bayden deyib.

Bayden ABŞ-ın Polşada daimi qərargah quracağını, Böyük Britaniyaya əlavə iki F-35 qırıcı eskadrilya, Almaniya və İtaliyaya daha çox hava hücumundan müdafiə sistemi və digər silahlar göndərəcəyini bildirib.

"Bu gün mən elan edirəm ki, Birləşmiş Ştatlar Avropada güc konfiqurasiyamızı gücləndirəcək və dəyişən mühitə cavab verəcək, həmçinin kollektiv təhlükəsizliyimizi gücləndirəcək" - deyə, Bayden qarşıdan gələn tədbirləri sadalayıb.

"Polşada biz ABŞ-ın Beşinci Ordu Korpusu ilə əlaqəli daimi qərargah yaradacağıq və bütün şərq cinahı boyunca ABŞ-NATO qarşılıqlı fəaliyyətini artıracağıq" - deyə, Bayden qeyd edib.

O əlavə edib ki, ABŞ Baltikyanı regionda rotasiya qoşunlarının yerləşdirilməsini də gücləndirəcək.

Stoltenberq Rusiyanın Ukraynadakı müharibəsi fonunda NATO-nun İkinci Dünya Müharibəsindən bəri ən böyük problemlə üzləşdiyini deyib və əlavə edib ki, Moskva alyans üzvlərinin təhlükəsizliyinə birbaşa təhdid yaradır.

Stoltenberqin sözlərinə görə, müttəfiqlər "qarşılaşdığımız ən ciddi təhlükəsizlik böhranının ortasında" görüşür.

O əlavə edib ki, bu, "tarixi və transformativ sammit olacaq".

"Biz Rusiyanın təhlükəsizliyimizə birbaşa təhdid olduğunu açıqlayacağıq" Stoltenberq bildirib.

Dünyaya Baxış

Dünyaya Baxış. Federal Təhqiqatlar Bürosu Trampın iqamətgahında axtarış aparıb
please wait

No media source currently available

0:00 0:12:42 0:00
XS
SM
MD
LG