Dehlinin Cəvaharlal Neri stadionunda piyada körpüsünün çökməsi Hindistan paytaxtının gələn ay keçiriləcək Birlik Ooyunlarına hazırlıqsızlığına dair qorxular və idmançıların geri çəkilməsinə səbəb olub. Bir neçə ölkə 7000 idmançını qəbul edəcək idman mərkəzinin yararsızlığından şikayət edir. Birlik Oyunları Federasiyasının rəbəri Maykl Fennell Hindistanın baş naziri Monmahan Singlə idman kompleksinin problemlərini müzakirə edəcək. Birlik Oyunlarının ingiltərəli sədri gələn 24-48 saat ərzində kompleksin təmizliyi, su sistemi, elektrik xətləri, internet və mobil telefonları xidmətlərində problemlərinin aradan qaldırılmasında həlledici olacağını bildirib. Birlik Oyunları oktyabrın 3-dən 14-dək davam etməlidir.