Accessibility links

Bloq: ABŞ-da irqlərarası nikahlar artır


Bloq: ABŞ-da irqlərarası nikahlar artır
Bloq: ABŞ-da irqlərarası nikahlar artır

Birləşmiş Ştatlarda irqlərarası nikahların sayı artaraq 4.8 milyona çatıb. Beləliklə, hər 12 amerikalı cütlükdən biri fərqli irqlərdən ibarətdir. Bu göstərici Amerikaya asiyalı və ispandillilərin son illərdə axını sayəsində əldə olunub. İndi qaradərililər də əvvəl olduğundan daha çox ağlarla ailə qururlar.

Pew Araşdırmalar Mərkəzinin apardığı araşdırmalar göstərir ki, irqlərarası nikahlardan yaranan uşaqlar Amerikada irqi mənsubiyyət anlayışını sürətlə dəyişir. ABŞ Ali Məhkəməsinin irqlərarası nikahlara qadağanı ləğv etməsindən təqribən 40 il keçmiş, ağlarla qaraların arasında nikahlar ən çox Virciniyada qeydə alınıb. Paytaxt Vaşinqtonda evlənən beş adamdan biri irqlər arasındakı hüdudu adlayıb.

1980-ci illə müqayisədə öz irqindən xaricdə adamlarla ailə quran ağların sayı ikiqat artaraq 9 faizə qalxıb. Qeyri-qaradərililərlə evlənən afro-amerikalıların sayı üçqat artaraq 17 faizə yüksəlib. Ən çox başqa irqlərin nümayəndələri ilə evlənənlər isə asiyalılar və ispandillilərdir. Asiyalıların dörddə biri qeyri-asiyalı ilə evlənib.

Araşdırmalara əsasən, 2010-cu ildə qeydə alınmış nikahların 15 faizi irqlərarası nikahlardır. Bu rəqəm 30 il əvvəllə müqayisədə iki dəfə çoxdur. 1980-ci ildə irqlərarası nikahların sayı 3 faiz, indi isə bu rəqəm 8 faiz təşkil edir.

XS
SM
MD
LG