BMT-nin xəbərdarlıqlarına baxmayaraq suriyalılara qarşı zorakılıqlar davam edir

BMT-nin baş katibi Ban Ki Mun deyib ki, prezident Bəşər əl-Əsədə təhlükəsizlik qüvvələrinin törətdikləri zorakılıqlara son qoyması barədə dəfələrlə edilən xəbərdarlıqlara baxmayaraq suriyalılara qarşı zorakılıqlar hələ də davam etməkdədir. Bu gün Avstraliyanın Sidney Universitetində etdiyi çıxışda cənab Ban cənab Əsədi nə qədər ki, gec deyil siyasi islahatlar həyata keçirməyə çağırıb. İnsan hüquqları fəalları bu gün hərbi maşınlar və ağır artilleriyanın müşayiəti ilə təhlükəsizlik qüvvələrinin Suriyanın şimal-qərbində yerləşən kəndə hücum etdiyini deyiblər.