Accessibility links

Boris Conson Kyivə sürpriz səfəri zamanı Zelenski və Ukraynanın müdafiəçilərini tərifləyib


Boris Conson və Volodimir Zelenski
Boris Conson və Volodimir Zelenski

Britaniyanın Baş naziri Boris Conson Kyivə sürpriz səfər edərək Ukrayna Prezidenti Volodimir Zelenski ilə görüşüb. Boris Consonun ofisi bunu Rusiyanın Ukraynanın şərqində yeni hücum ehtimalı ilə bağlı artan narahatlıqlar fonunda “həmrəylik nümayişi” adlandırıb.

Consonun ofisi aprelin 9-da deyib ki, baş nazir “Ukrayna xalqı ilə həmrəylik nümayiş etdirmək üçün” Kyivə səfər edir və o “Birləşmiş Krallığın Ukraynaya uzun-müddətli dəstəyini müzakirə edəcək.”

Douninq Strit bildirib ki, Conson görüş zamanı Ukraynanı əlavə 120 zirehli maşınla və yeni gəmi əleyhinə raketlə təmin etməyi vəd edib və Kyiv ordusunun və mülki müdafiəçilərinin sərgilədikləri performansı tərifləyib.

“Putinin dəhşətli məqsədləri prezident Zelenskinin qətiyyətli rəhbərliyi və Ukrayna xalqının yenilməz qəhrəmanlığı və cəsarətinə görə puç olur,” Boris Consonun ofisi onun Zelenski ilə görüşündən sonra bildirdiyini deyib.

“Ukrayna çoxlarının qeyri-mümkün hesab etdiyi bir şeyi bacardı və Rusiya qüvvələrini Kyivdən uzaqlaşdırdı,” Conson deyib.

Consonun əvvəldən elan olunmayan səfəri Rusiya qüvvələrinin paytaxt ətrafındakı bölgələrdən geri çəkilməsindən sonra Avropa rəsmilərinin Ukraynaya səfərləri arasında ən yüksək profilli səfərdir.

Aprelin 9-da həmçinin Avstriya kansleri Karl Nehammer də Kyivdə Zelenski ilə görüşüb. Bundan bir gün öncə isə Avropa Komissiyasının Prezidenti Ursula von der Leyen və Aİ-nin xarici siyasət idarəsinin başçısı Cozep Boreel Ukrayna paytaxtına səfər edib.

Ukrayna prezidentinin yardımçısı Andriy Sibiha Facebook-da iki liderin birgə fotosunu paylaşıb.

“Boris Consonun Kyivə səfəri Prezident Zelenski ilə üzbəüz görüşlə başladı,” Sibiha deyib.

“Böyük Britaniya Ukraynaya müdafiə dəstəyi baxımından liderdir. Müharibə əleyhinə koalisiyada liderdir. Rusiya təcavüzkarına qarşı sanksiyalarda liderdir.”

Conson fevralın 24-də Ukraynaya əsassız hərbi müdaxiləsindən bəri və Moskva qüvvələrinin mülki vətəndaşlara qarşı ölümcül hücumları zamanı iddia olunana mümkün müharibə cinayətlərindən sonra Rusiyaya qarşı sərt mövqe sərgiləyib

Rusiya qüvvələru Ukrayna qüvvələri və mülki vətəndaşları tərəfindən gözlənildiyindən daha güclü müqavimətlə üzləşiblər və onları Kyiv regionundan geri çəkilməyə məcbur ediblər.

Ekspertlər deyir ki, Moskva hücumunu Rusiya və ya Kremlin dəstəklədiyi qüvvələrin 2014-cü ildən bəri əraziyə nəzarət etdiyi Ukraynanın şərq və cənub regionlarına yönəltməyi planlaşdırır.

Amerika İcmalı

Amerika İcmalı. Beynəlxalq Mətbuat Azadlığı Günü - Azərbaycanda medianın durumu.
please wait

No media source currently available

0:00 0:30:02 0:00
XS
SM
MD
LG