Gənc fəal Cabbar Savalanlı 20 sutkalıq həbs olunub

Keçmiş vicdan məhbusu , Azərbaycan Xalq Cəbhəsi Partiyasının (AXCP) Sumqayıt şəhər təşkilatının üzvü Cabbar Savalanlı Sumqayıt şəhər məhkəməsinin qərarı ilə inzibati qaydada 20 sutka həbs olunub.

AXCP-dən Amerikanın Səsinə bildiriblər ki, Cabbar Savalanlıya gülməli bir ittiham verilib. Savalanlı guya küçədə telefonla danışarkən təhqiramiz ifadələr səsləndirib, ona irad tutan polis əməkdaşlarına müqavimət göstərib. Bu səbəbdən də saxlanılaraq polis idarəsinə aparılıb.

Cabbar Savalanlı yaşadığı binanın həyətində tutulub.

Qeyd edək ki, Savalanlı 2012-ci ilin mayında qanunsuz narkotik saxlama ittihamı ilə 2 il yarım azadlıqdan məhrum edilib, elə həmin ilin dekabrında da əfv olunub.