Çikaqoda Nobel sülh mükafatı laureatlarının XII sammiti keçirilir. İlk dəfə Şimali Amerikada keçirilən üçgünlük bu tədbirdə dünya şöhrətli laureatlar toplaşıb. Onlar arasında Sovet İttifaqının ilk prezidenti Mixail Qorbaçov, Amerikanın sabiq prezidenti Cimmi Karter, Cənubi Afrika respublikasının sabiq prezidenti De Klerk və digərləri iştirak edir. Sammit 2009-cu il Nobel sülh mükafatı laureatı prezident Barak Obamanın dünya liderləri ilə keçirdiyi Çikaqo sammitindən bir neçə həftə sonra təşkil edilib.