Rusiya prezidenti Vladimir Putin Rusiya tərəfinin gördüyü səylər kontekstində Rusiya Təhlükəsizlik Şurası ilə Dağlıq Qarabağ münaqişəsinin həllini müzakirə edib.
Report agentliyinin məlumatına görə, bu barədə Rusiya prezidentinin mətbuat katibi Dmitri Peskov bildirib.
Onun sözlərinə görə, görüşdə Federasiya Şurasının spikeri Valentina Matviyenko, Dövlət Dumasının sədri Sergey Narışkin, Kreml administrasiyasının rəhbəri Sergey İvanov, Təhlükəsizlik Şurasının katibi Nikolay Patruşev, DİN rəhbəri Vladimir Kolokoltsev, FTX rəhbəri Aleksandr Bortnikov, Xarici Kəşfiyyat Xidmətinin direktoru Mixail Fradkov iştirak ediblər.
