Accessibility links

Parlament komitələrində büdcə layihəsinin müzakirəsi başlayıb (Yenilənib)


Milli Məclis
Milli Məclis

Azərbaycanda özəl investisiyaların stimullaşdırılması hesabına bir çox sahələrdə dövlət maliyyələşməsinin məhdudlaşdırılması işi davam etdiriləcək.

Report.az saytının xəbərinə görə, bunu maliyyə naziri Samir Şərifov Azərbaycanın 2016-cı ilin dövlət və icmal büdcələri layihələrinin Milli Məclisin komitələrinin bu gün keçirilən birgə iclasında aparılan müzakirəsi zamanı deyib.

Nazir qeyd edib ki, Azərbaycanın 2016-cı il dövlət büdcəsi layihəsində mədaxil ümumi daxili məhsulun 25,2%-i həcmində olmaqla, nominal ifadədə 14,566 mlrd. manat, məxaric isə ÜDM-in 28,2%-ni təşkil etməklə, 16,264 mlrd. manat həcmində proqnozlaşdırılır. Bu ilin müvafiq proqnozları ilə müqayisədə gələn il büdcə gəlirləri 25,1%, xərcləri isə 22,9% azaldılıb.

Dövlət büdcəsinin kəsiri 1,698 mlrd. manat proqnozlaşdırılır ki, bu da 2015-ci ilin analoji proqnozundan 2,17% çoxdur.

Gələn ilin dövlət büdcəsində müdafiə xərcləri 1 837,8 mln. manat həcmində nəzərdə tutulub ki, bu da 2015-ci ilin proqnozu ilə müqayisədə 3,3% çoxdur.

Qeyd edək ki, müdafiə xərcləri 2015-ci il üçün 1 778,5 mln. manat proqnozlaşdırılsa da, ilin sonuna 1 760 mln. manat səviyyəsində icra olunacağı gözlənilir.

Bununla yanaşı bildirilir ki, 2016-cı ilin dövlət və icmal büdcələrində xam neftin baza qiyməti 50 ABŞ dolları/barel, ABŞ dollarının rəsmi orta illik məzənnəsi isə 1,05 AZN/USD səviyyəsində götürülüb.

Məlumat üçün bildirək ki, 2016-cı il icmal büdcəsinin gəlirləri 16,720 mlrd. manat və yaxud cari ilə nisbətən 19,3% az, xərcləri 19,907 mlrd. manat və yaxud 23,2% az nəzərdə tutulub.

Gələn il Vergilər Nazirliyinin xətti ilə dövlət büdcəsinə 6,602 mlrd. manat daxiloma proqnozlaşdırılır ki, bu da 2015-ci illə müqayisədə 510 mln. manat və yaxud 7,2% azdır. Həmin məbləğin 4,812 mlrd. manatı və yaxud 72,9%-i qeyri-neft, 1,790 mlrd. manatı və yaxud 27,1%-i neft sektorunun payına düşəcək.

Dövlət Gömrük Komitəsinin xətti ilə təmin edilən daxilolmaların dövlət büdcəsində xüsusi çəkisi 10,9% olmaqla, 1,590 mlrd. manat həcmində proqnozlaşdırılır ki, bu da 2015-ci il səviyyəsindədir. Komitə üzrə mədaxil proqnozunun qeyri-neft ÜDM-də xüsusi çəkisi 3,8% olacaq.

Gələn ilin büdcə layihəsində təhsil xərcləri 1,714 mlrd. manat proqnozlaşdırılır ki, bu da 2015-ci ilin proqnozundan 0,1% çoxdur. Proqnozda elm xərcləri isə 12,5% azaldılaraq 131,7 mln. manat, səhiyyə xərcləri 4,2% azaldılaraq 744,9 mln. manat, sosial müdafiə və sosial təminat xərcləri 7,1% azaldılaraq 1,897 mlrd. manat təşkil edib.

Gələn ilin büdcə layihəsində sosial ipotekanın genişləndirilməsi üçün İpoteka Fonduna 50 mln. manat vəsaitin ayrılması nəzərdə tutulub ki, bu da 2015-ci illə eyni səviyyədədir.

S.Şərifov bildirib ki, sosial proqramlar, müdafiə qabiliyyətinin maliyyə təminatı, pensiya dayanıqlığının maliyyə təminatının genişləndirilməsi əsas məsələlərdəndir.

Onun sözlərinə görə, gələn ilin büdcəsində cari xərclər, dövlət borcuna xidmətlə bağlı xərclərin xüsusi çəkisi artıb, əsaslı xərclər azalıb. Cari xərclər 10,7% artırılıb, əsaslı xərclər 17,7% azaldılıb.

Müzakirələrin sonunda qanun layihəsi Milli Məclisin plenar iclasına tövsiyə olunub.

***

Milli Məclisin komitələrində 2016-cı il dövlət büdcəsi layihəsinin müzakirələri keçirlir.

Oktyabrın 2-də büdcə paketinə daxil olan qanun layihələri parlamentin təhlüəsizlik və müdafiə, iqtisadi siyasət, elm və təhsil, sosial siyasət, təbii ehtiyatlar, energetika və ekologiya komitələrinin birgə iclasının müzakirəsinə çıxarılıb. Müzakirələrdə maliyyə naziri Samir Şərifov iştirak edir.

2016-cı il dövlət və icmal büdcələrin gəlirlərinin hesablanmasında xam neftin 1 barreli üçün satış qiyməti 50 ABŞ dolları götürülüb.

2016-cı il dövlət büdcəsinin gəlirləri 14 566 mln. manat (bunun 6 000 mln. manatı Dövlət Neft Fondundan transfert təşkil edəcək) proqnozlaşdırılıb. Xərclər isə 16 264 mln. manat proqnozlaşdırlıb.

Xatırladaq ki, 2015-ci ilin dövlət büdcəsinin gəlirləri 17 080 mln. manat, xərcləri 17730 mln. manat, kəsir isə 650 mln. manat olub.

2016-cı ildə Azərbaycanın dövlət büdcəsinin gəlirləri 4872 mln. manat, xərcləri 4836 mln. manat az proqnozlaşdırılıb. Onu da xatırlatmaq lazımdır ki, 2015-ci il dövlət büdcəsi qanunu qəbul edilərkən 1 ABŞ dolları 0,78 manat, hazırda isə 1,05 manatdır. Manat 34 faizədək devalivasiyaya uğrayıb. Beləliklə, 2015-ci ilin dövlət büdcəsinin gəlirləri 22 milyard dollara, 2016-cı ilin dövlət büdcəsinin gəlirləri isə 14 milyard dollara yaxındır.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG