Accessibility links

Penitensiar xidmət qaçan məhbuslardan birinin saxlanıldığını bildirib


Oktyabrın 23-də Bakı şəhərinə etap zamanı müşayiət altından qaçmış 2 təqsirləndirilən şəxsdən biri saxlanılıb.

Pentiensiar Xidmətin mətbuat xidmətinin məlumatına görə, həmin şəxslərin axtarışı üzrə təxirəsalınmaz əməliyyat tədbirləri keçirilib.

Oktyabrın 26-da Ədliyyə Nazirliyi Penitensiar Xidməti tərəfindən görülmüş kompleks əməliyyat-axtarış tədbirləri nəticəsində həbsdən qaçmış Əli Rasim oğlu Ağami tutularaq istintaq təcridxanasına yerləşdirilib.

Digər təqsirləndirilən şəxs Etibar Məmmədovun axtarışı istiqamətində zəruri tədbirlər davam etdirilir.

Bakı-Astara-Bakı qatarında xüsusi təyinatlı vaqonla paytaxta gətirilən məhbuslar Əli Ağami və Etibar Məmmədov qaçıblar. Qəsdən adam öldürmədə təqsirləndirilən Ə.Ağami və E.Məmmədovun cinayət işinə Lənkəran Ağır Cinayətlər Məhkəməsində baxılır. Ötən həftə dövlət ittihamçısı onların hər birinin ayrı-ayrılıqda 19 il müddətə azadlıqdan məhrum edilməsini istəyib. Hər iki şəxs oktyabrın 22-də gecə Lənkərandan Bakıya qatarla gətirilib. Oktyabrın 23-də səhər saatlarında Biləcəri stansiyasında E.Məmmədovla Ə.Ağami qatardan düşürülən zaman qaçıb.

Nəticədə xidmətin 3 əməkdaşı həbs edilib, 11nəfər isə işdən azad edilib.

Fikirləriniz

Show comments

XS
SM
MD
LG