Dekabrın 3-ü Beynəlxalq Əlillər günüdür.
Bu günün əngəllilərin günü olması qərarı 1992-ci ildə BMT-nin Baş Assambleyasında qəbul edilib.
Bu günün məqsədi cəmiyyəti əlillik problemlərinin həllinə cəlb etmək, əlilliyi olan bütün insanların hüquqlarını qorumaqdır. İndi dünya əhalisinin təxminən 10 faizini fiziki cəhətdən qüsurlu insanlar təşkil edir.
Əlilliyi olan insanların 20 faizi inkişaf etməkdə olan ölkələrdə yaşayır. Rəsmi statistikaya görə, Azərbaycanda 600 minə yaxın əngəlli insan var. Onlardan 70 mindən çoxu uşaqlardır.
Ekspertlərin fikrincə, ölkədə əlillərin ən böyük problemi işsizlik, təhsil və onlara əlverişli olmayan infrastrukturla bağlıdır.
