Azərbaycan Demokratik Firqəsinin sədri Əmrəli Lahrudi Əhmədoğlu dekabrın 5-də Bakıda vəfat edib.
Əmrəli Lahrudinin 2008-ci ildə Amerikanın Səsinə verdiyi audio müsahibəni təqdim edirik.
Əmirəli Lahrudi Əhmədoğlu 1924-ci ildə İran Azərbaycanında, Meşkin mahalının Lari kəndində anadan olub. 1943-cü ildə Hizbi Tudeyi İran təşkilatına üzv olub. 1944-ci ildə partiyanın Şərqi Meşkin mahal komitəsinin sədri kimi çalışıb.
Lahrudi 1945-ci ildə Azərbaycan Demokrat Firqəsinin(ADF) üzvü və Meşkin mahal komitəsinin sədr müavini seçilib. 1946-ci ilin oktyabrında Təbrizdə hüquq və siyasi məktəbin tələbəsi olub.
Cənubi Azərbaycanda qurulmuş Milli Hökumət devrildikdən sonra Sovet Azərbaycanına mühacirət edib, siyasi fəaliyətini ADF-nin Ağdam və Quba təşkilatında davam etdirib.
1960-ci ildə Azərbaican Demokrat Firqəsi Hizbi Tudeyi İran ilə birləşdikdən sonra partiyanın mərkəzi komitə üzvü və icraiyyə komitəsinin üzvü seçilib.
Lahrudi 1960-dan 1968-ci ilə qədər Almaniyanin Leyipsik şəhərində yerləşən partiyanın mərkəzidə işləyib, 1968-ci ildə Azərbaycana qayıdıb və Azərbaycan Demokrat Firqəsi Mərkəzi Komitəsində öz fəaliyyətini davam etdirib. Hizbi Tudeyi İranın 16-cı plenumunda (1979-cu il) icraiyyə komitəsinin üzvü seçilib.
Eyni zamanda “Azərbaycan” jurnalının redaktoru vəzifəsində çalışıb.
1979-cu ildən bu günə qədər ADF-nin sədri idi.
