İraqın yüksək vəzifəli rəsmisi bildirib ki, 1 aydan artıqdır davam edən hərbi əməliyyatlardan sonra İraq qüvvələri Fəlluca şəhəri İŞİD döyüşçülərindən tamamilə azad edib.
General-leytenant Əbdül-Vahab Əl-Saadinin sözlərinə görə, İraq qüvvələrinin İŞİD-in nəzarətindəki sonuncu məhəllə olan Julanı da ələ keçirməsi ilə artıq Fəlluca tam azaddır.
Bundan əvvəl rəsmilər şəhərin böyük bir hissəsinin azad edildiyini açıqlamışdılar.
İraq baş naziri Heydər Əl-Abadi cümə günü əminliklə şəhərin azad ediləcəyini bildirmişdi: "Daeş məğlub ediləcək!".
Dünən Fəllucada hərbi əməliyyatlar davam etdirilib. Son günlər şəhərdən azad edilən insanlar sərbəst buraxılıb.
