Accessibility links

Fərəməz Allahverdiyev aclıq aksiyasına başlayır


Fərəməz Novruzoğlu

Jurnalist məhkəmələrə etiraz olaraq ağzını tikəcək

Həbsdə olan jurnalist Fərəməz Allahverdiyev martın 5-dən ağzını tikməklə aclıq aksiyasına başlayacaq.

Vəkil Fariz Namazlı Amerikanın Səsinə bildirib ki, jurnalist bu aksiya ilə Ali Məhkəmənin 19 fevral 2013-cü tarixli qərarına etiraz edir. Məhkəmə jurnalistin Apellyasiya Məhkəməsinin barəsində çıxardığı hökmdən verdiyi şikayətə onun iştirakını təmin etmədən qərar verib.

Vəkil bildirib ki, martın 15-də Apellyasiya Məhkəməsində məhkəmə baxışı keçiriləcək və jurnalist prosesdə iştirak etməyəcəyini bəyan edib.

F.Allahverdiyev 2012-ci il aprelin 17-də həbs olunub. Avqustun 22-də Nizami Rayon Məhkəməsinin qərarı ilə 318 (sərhədi qanunsuz keçmə) və 220-ci (kütləvi iğtişaşlara çağırış) maddələri ilə 4,5 il müddətinə azadlıqdan məhrum edilib.

Noyabrda F.Allahverdiyevin apellyasiya şikayətinə baxılıb və məhkəmə çəkişməsindən imtina edilib.

Fərəməz Allahverdiyev əvvəllər də bir neçə dəfə müxtəlif maddələrlə, o cümlədən hökumətin ünvanına tənqidi materiallar dərc etdirdiyinə görə böhtan ittihamı ilə həbs edilib.

Dünyaya Baxış

Dünyaya Baxış. Blinken Avropa müttəfiqləri ilə danışıqlar üçün Almaniyadadır
please wait

No media source currently available

0:00 0:14:30 0:00
XS
SM
MD
LG