Filippində zəlzələdən sonra sağ qalanların axtarışı davam etdirilir

Filippində dağıdıcı torpaq sürüşmələrinə yol açan zəlzələdən sonra sağ qalanların axtarışı davam etdirilir. 43 adamın həlak olduğu təsdiq edilib. Onlarla insan hələ də itkindir. 6.7 bal gücündə olan zəlzələnin ən ağır təsirinə Negros adası məruz qalıb. Dağlıq ərazilərdə torpaq sürüşmələri xilasetmə əməliyyatlarını imkansız edib. Zəlzələdən 20 saat sonra yeraltı təkanlar davam edir. İndiyədək 700 yeraltı təkan qeydə alınıb. Yeraltı təkanların həftələrlə davam edəcəyi barədə xəbərdarlıq yayılıb.